Hoera Horeca: Waar Dat De Droom'n Gebroken Zyn

Woar dat de droom’n gebroken zyn  (Boulevard of broken dreams) - Vertaling Benjamin Sercu

 

‘k Loop in het stroatje van de zorgen,

Woar dat de droom’n gebroken zyn,

Woar da’me fjèsten zonder spyt

En we vergeten vo’ nen tyd

Dat oeze droom’n gebroken zyn.

 

Lacht’je vannacht, ton blèt je morgen,

Nen koater van de zure wyn

En ge komt wakker, nog olf zat,

Joen ogen rood, joen kussen nat

Omdat joen droom’n gebroken zyn.

 

‘k loop hier zelve hièle doagen

Mè miezelven in de knoop,

Moar myn ziele en myn vroagen,

Liet ik achter up nen hoop.

 

Miserie bluft ier niet verborgen,

Hoe ûtgeloaten da’m ook zyn,

We dansen van miserie voort

En zing’n dat iedereen het hoort

Dat oeze droom’n gebroken zyn…

 

      Lalalala….

 

Miserie bluft ier niet verborgen,

Hoe ûtgeloaten da’m ook zyn,

We dansen van miserie voort

En zing’n dat iedereen het hoort

Dat oeze droom’n gebroken zyn…